سرجت خيل الشعر وحروف القصيدة
من مشاعر داعبت فكري و خيالي
ماعصتني طوع يتني ودون قيده
الهمت الاحساس والكراس بالي
وعزفت بالحانها لأجمل نشيدة
صغتها لحواء حيث القدر عالي
ماقصدت بها اجامل في فريدة
ولا قصدت ألفت لها وأشد خالي
بس احب أتعب على فكرة جديدة
واعتني باللي اعتنى بي للعلالي
أم ربتني على حسبه سديدة
ورسمت لي وسهرت لجلي ليالي
واخت تسندني فمرات عديدة
والا انا ظهر لها وان ضاق حالي
وزوجتي يلي تشاركني الوجيده
نصفي الثاني وكلي مع حلالي
وبنت فيها شفت جيناتي أكيدة
باختلاف الوقت والا من خلالي
وعمتي مع خالتي و الا يديده
ووين ماتوجد مره ارفع عقالي
يومها كل يوم هي يومه وعيده
مااقول الا انها انشت اجيالي
ماهي نص المجتمع ابصم بايده
ذاك توقيعي لها وماهو بغالي
واختمه قولي وارده ثم اعيده
كل يوم وعام وانتي طيب فالي
سالم حمد الكعبي
