سنة 2013 كنت أعمل بمنصب مدير الموارد البشرية في مقاطعة دالارنا السويدية والذي فيها 15 محافظة .
دخلت إلى مكتبي سيدة كان عمرها قد تجاوز الخمسين من أصول سورية وكان بيدها طبق كبير من الكنافه..
قالت: “الله بعطيك العافية استاز هازي الكنافي وبدي اتشكرك لأنك ساعدتني وحصلت على عمل
” أنا لا أعرفها ولا ساعدتها ولا قابلتها بحياتي ..المهم سالتها :
كيف أنا ساعدتك إنك تحصلين على عمل قالت دخلت البرنامج الفلاني وتم تأهيلي وحصلت على عمل بعد أكثر من عشرة سنوات من البطالة، وعرفت من الناس انت الذي عملت هذا البرنامج ويعطيك العافية استاز”
يتهامسون.. رشوة رشوة
مرأة المكتب . المهم طبق الكنافه صار مثل قنبله بالمكتب الموظفين الذي معاي يتهامسون.. رشوة رشوة .. اتصلت بالمديرة وحكيت لها الموضوع .
قالت لأتأكل منه شي هذا بالقانون السويدي رشوة غدا نفتح تحقيق .
الموضوع اخذ ٣ أيام نم فتح تحقيق لجنة من 3 مختصين مانعرفهم وتأكدوا انه انا ما اعرف المرأة ولم التقي بها وإنه تصرف شخصي منها وأنها تصرفت ببديهيتها وثقافتها. وتم الاتصال بالسيدة السورية وجائت لاستلام طبق الكنافه بعد الاسبوع وقالو لها بالاستعلامات
شكرا لك لايمكن قبول الهدية من قبل موظف حكومي هذه تعتبر رشوة ولايمكن قبولها .. ضحكت المرأة وقالت هذه كنافه مش رشوة .. وحينها كانت الكنافه قد تيبست تماما وقامت برميها في سلة الفضلات امام الجميع …
رسالة إلى احمد-مكية والى صاحب محل ساعات رولكس في شارع الربيعي في زيونه
روليكـــس
ـــــــــــــــــــ
عندي صديق عزيز عليّ قبل فترة فتّــــح محل ساعات شيك جدا” بشارع الربيعي بزيونة وجاب ساعات من ماركات شهيرة تتراوح أسعارها من ٣٠٠ دولار الى ١٧ الف دولار ..
گلتله شبيك إنت مسودن تجيب هيج ساعات غالية ليش هو منو ياخذ هيج ساعات بالعراق ؟
گال زين شنو رأيك آني كل شهرين أوصي على طلبية ساعات جديدة من سويسرا وتجيني بظرف ٢٠ يوم لان ما ألحگ من كثرة الزبائن اللي تجيني للمحل !!
گلتله صدگ تحچي ؟ گال والله لان كل ساعة لها زبونها وكل مناسبة لها زبونها أيضا” ..
گلتله شلون ؟ گال مثلا” عندك جدول ٦ كانون و ١٤ تموز ، وتعرف هاي ترقيات ضباط وهواي منهم ضباط كبار ، وذولي مو معلمين او موظفين بالصحة ويقتنعون بخلاط او لوحة بيها سورة يس ام الـ ٢٢ ألف دينار ، واللي يوديلهم هدية بمناسبة ترقيتهم ياخذلهم ساعة تتراوح اسعارها من ( ٣٠٠ الى ١٥٠٠ دولار ) حسب رتبــــــة ومنصـــب الشخص المترقي وحسب حاجته يمه ..
گلتله يعني على حچيك هذا الروليكس ام الـ ١٧ الف دولار يودوها لرئيس الأركان او للسكرتير الشخصـــي لرئيس الوزراء ؟ گال لا ذني الساعات الثمينة يودوها لقاضي او وكيل وزير او مدير عام ثگيل بالدولة ؟ گلتله شعجب يعني ؟ گال مو ذولي النغـ ـولة يخافون ياخذون فلوس فـ يودولهم هاي الرشاوي بصيغة هدية حتى إذا أي واحــــد يحاسبهم ويسألهم عليها يگلوله هاي هدية والنبي قبل الهدية ..
گلتله وذولي أكيد ماتجيهم هدية وحدة ، گال لا يمعود ياهدية وحدة أصلا أكو مسؤول صار معميلي لأن كل يومين تلاثة يجيبلي ساعة من الساعات اللي آني بايعهن أصلا” وآخذهن منه بطگة ناقص ، وأرجع أبيعهن مرة ثانية لزبون ثاني يوديها لنفس المسؤول وعالهرنة طحينك ناعم وتبقى نفس الساعة تتداور بيناتنــــا مثل طليان السيد محمد ..
گلتله دوختني .. گال لا وأزيدك من الشعر بيت هسه گمت أنوّع بهاي الهدايا وگمت استورد سبــــح ومحابس بيها أحجار كريمة ونفيسة ومن مناشئــــها الأصلية مثل روسيا واذربيجان .. گلتله ليش ذني هَـم عليهن طلب ؟ گلي الطلب عليهن أكثر من الساعات وبيهن شغل خير من الله لأن تعرف مسؤولينا هسه كلهم موامنة وحلو من المؤمن يشيله سبحة قيمتها ست ملايين دينار يذكر الله بيها ، او يعمل بالسُـــنّة النبوية ويلبس محبس فضــــة مُطَعّـــم بماســــة سعرها شدتين ونص !!!!..
ارجعلي زميلي المخرج ..
#احمد_مكية
